Umgaqonkqubo Wabucala

Umhla Eqala Ngawo Ukusebenza: 3 Meyi, 2024

IAppLovin Corporation (“si” “thina” “yethu,” okanye “iAppLovin”) yenza izixhobo zabavelisi bee-ephu namanye amashishini ekulungelelaniseni intengiso nemiba yemali kumaqonga awo, iimveliso, okanye iinkonzo ngokuzenza zikwazi ukufaka iintlobo zentengiso kumaqonga edijithali kuquka kwiiephu zefowni, iiwebhsayithi, kunye neeTV ezikonektiweyo (xa zizonke zibizwa ngokuba “Ziinkonzo Zentengiso” okanye “Iinkonzo”).  Njengokuba kucacisiwe ngezantsi, abathengi banxibelelana nathi ngeendlela ezimbalwa, eyona iphambili kungeentengiso ezenziwa yiAppLovin egameni labathengisi.

Imigaqonkqubo Yabucala yeAppLovin (le “Migaqonkqubo Yabucala”) icacisa indlela esiqokelela, esisebenzisa, nesabelana ngayo ngenkcazelo sisebenzisa Iinkonzo zethu neqonga lentengiso, newebhsayithi yethu ku www.applovin.com (“iWebhsayithi”), kunye nezinto onokukhetha kuzo ezinxulumene nalo nkcazelo.

Iinkonzo Zethu Zentengiso

Kweli candelo kucaciswa ngenkcazelo esiyiqokelelayo, esiyisebenzisayo, kunye nesabelana ngayo sisebenzisa Iinkonzo Zentengiso.

Ukuqokelelwa Nokusetyenziswa Kwenkcazelo Ethe Gabalala

Ukuba ungumthengi odawnlowuda nosebenzisa iephu eneSDK yeAppLovin okanye ungena kwiiNkonzo zethu ngeentengiso kwisixhobo sedijithali, sisenokuqokelela inkcazelo ethile, kuquka le ilandelayo:

Isixhobo, iEphu, neData yeBrawuza

• Uhlobo lwesixhobo, imodeli yaso, nenkqubo esetyenziswa seso sixhobo;
• Iimpawu zesixhobo ezinxulumene nobungakanani besikrini, ukuma kwaso, okumanyelwayo, ibhetri, ukusetyenziswa kwememori yesixhobo, iisetingi, kunye nexesha lokuqalisa kwaso;
• Iisetingi zesixhobo ezinxulumene neefitsha zofikelelo, ubungakanani befonti, kunye netheme; 
• Umboneleli Wenethiwekhi;
• Inkqubo yokusebenza;
• Igama neenkcukacha ezibalulekileyo ze-ephu yefowuni sisebenzisa unxibelelwano lomthengi neeNkonzo;
• Ilizwe, ixesha lelizwe, neesetingi zendawo (ilizwe kunye nolwimi olukhethiweyo);
• Isixeko- kunye/okanye inqanaba lelizwe okanye enye inkcazelo ebonisa indawo okuyo;
• Uhlobo kunye nesantya soqhagamshelwano lwenethwekhi;
• Idilesi yeIP;
• Ummeli womsebenzisi wwebrawuza ye-Intanethi esetyenziselwa ukufikelela kwiiNkonzo;
• Inkcazelo yesihloko seHTTP;
• Ii-ID zeNtengiso (IDFA/GAID/Amazon FOSAID);
• Ii-ID Zomthengisi (IDFV);
• Ii-ID Zobume Be-Ephu; kunye
• Nokhetho kunye nemida yentengiso kunye neyokukhangela ukuba kumaxa indawoni into umntu ayithengileyo.

Abapapashi be-Ephu banokukhetha ukwabelana nathi ngenkcazelo engakumbi equka ubudala okanye unyaka wozalwa, isini, i-imeyili, inombolo yefowuni, kunye nezinto onomdla kuzo ngokweenjongo ezinokubanceda bona kwiephu.  Asiyigcini le nkcazelo okanye siyithumele kumaqabane ethu entengiso.  Nceda ujonge imigaqonkqubo yabucala yaloo mpapashi ukuze ufumane inkcazelo engakumbi ngendlela abayisebenzisa ngayo inkcazelo abayifumana kubantu babo.

Abathengisi (umthengisi ngokwakhe okanye umbutho wesithathu onikezela iinkonzo egameni lomthengisi lowo) nabo bangabelana ngenkcazelo yetransekshini okanye “imeko” enxulumene nokusebenzisana komthengi kunye neaphu, njengenkcazelo malunga nezenzo ezithathiweyo kwiaphu ezifana nokuthenga okanye ukufakwa kweaphu.

Ukuqokelelwa Nokusetyenziswa Kwenkcazelo Ethe Gabalala Kwiintengiso Zeintanethi Kuphela

Ukuba ungumthengi osebenzisa Iinkonzo kwiqonga lokuthengisa kwi-intanethi okanye kwiwebhsayithi yomthengisi, sisenokuqokelela inkcazelo engakumbi (oyibhale kwiqonga lentengiso yakwi-intanethi okanye kwiwebhsayithi yomthengisi, kumbutho wesithathu weAPI, iSDK yethu, ipixel, okanye obunye ubuxhakaxhaka beteknoloji obufana nobu), kuquka le ilandelayo:

Iinkcukacha Zobuqu 

• Amagama;
• Idilesi zeimeyili;
• Iinombolo zefowuni;
• Iidilesi zeimeyili; kunye
• Namagama omsebenzisi.

Ukuthenga Nokuhlola Inkcazelo Neemeko 

• Izinto othanda ukuzithenga nokuzibuka (umz., izihlandlo ongene ngazo) nembali yokukhangela;
• Iingxelo zeemveliso ezithengiweyo okanye ocinga ukuzithenga (umz., ezifakwe kwikhathi, ezibhatelweyo);
• Imbali yokuthenga; 
• Izinto othanda ukuzenza okanye ozikhethayo; kunye
• Nenkcazelo emalunga nendlela umsebenzisi anxulumana ngayo kunye namaqabane entengiso kwakunye namaqabane abo neentengiso zabo.

Indlela Esiyiqokelela Ngayo Inkcazelo Yakho

Le nkcazelo inokuqokelelwa ngokuzenzekelayo kwiiephu zefowuni okanye kwiidivayisi okanye inokufunyanwa kumaqela angaphandle kwizixhobo ezohlukeneyo zeteknoloji ekuhambeni kwexesha. Sisenokudibanisa inkcazelo esiyiqokelelayo nenye inkcazelo esiyifumana ngobuchwepheshe bokuhlalutya, kwaye siza kusebenzisa loo nkcazelo idityanisiweyo ukubonelela ngeeNkonzo. 

Indlela Esiyisebenzisa Ngayo Inkcazelo Yakho

Sidla ngokusebenzisa inkcazelo esiyiqokelelayo ukuze:

• Sinikele Iinkonzo, sizigcine zikwimeko entle, size siziphucule, kuquka iteknoloji yethu yokuthengisa enikwa amandla yiAI, nokuze siphande size sivelise ezintsha;
• Sikhuthaze ukhuseleko kunye nokuthembeka kweeNkonzo;
• Sinikele ngolinganiselo, uhlalutyo, kunye nokufaka ingxelo; nokuze
• Sithobele uxanduva esinalo ngokwasemthethweni namagunya ongamileyo.

Sisebenzisa iteknoloji yentengiso exhaswa yiAI (ngamanye amaxesha ebizwa ngokuba “”kukwenziwa kwezigqibo ngokuzenzekelayo”) ukuze isincede siphucule iimveliso neeNkonzo esizithengisayo nokuze senze iintengiso oziqhelileyo nonomdla kuzo. Siyisebenzisa ngendlela engazukubangela ukuba kubekho utshintsho olukhulu kuwe (ngokomzekelo, ngokulungisa indlela oza kuyibona ngayo intengiso xa uyijonga kwisixhobo sedijithali esikwi-ephu yefowuni okanye kwiwebhsayithi).

Ukwabelana Ngenkcazelo

Sinokwabelana nabanye ngenkcazelo esiyiqokeleleyo okanye esiyifumene kwiqela langaphandle ngezi ndlela zilandelayo:

• Abanikezeli Beenkonzo. Sidlulisela inkcazelo kubaboneleli beenkonzo, nakwamanye amahlakani axhasa ishishini lethu, njengokubonelela ngeenkonzo zeziseko zobugcisa, ukuhlalutya indlela iiNkonzo zethu ezisetyenziswa ngayo, ukulinganisa ukusebenza kwezentengiso neenkonzo, ukubonelela ngenkonzo yabathengi, okanye ukuququzelela iintlawulo. La maqabane kufuneka abambelele kwizibophelelo ezingqongqo zobumfihlo ngendlela ehambelana nalo Mgaqonkqubo Wabucala kunye nezivumelwano esingena kuzo kunye nabo.
• Amahlakani. Sisenokwabelana ngenkcazelo ngaphakathi kwethu sizezi nkampani zibumba iAppLovin ngokwenjongo ezihambelana nalo Mgaqonkqubo Wabucala.
• Amaqabane Entengiso. Sabelana ngenkcazelo neenkampani esisebenzisana nazo ezingamaqabane ethu entengiso, iinetwekhi zentengiso, urhwebo, amaqonga entengiso, abathengi, amanye amaqabane entengiso (abasebenzisa imithombo yabo), nolungelelwano lweentengiso kunye namaqabane olinganiselo (umz., ulinganiselo lwamaqabane eminxeba okanye “iiMMP”) ukuze kunikelwe abasebenzi bethu neeNkonzo Zentengiso. Le nkcazelo inokusetyenziswa ngaloo maqabane emibutho yesithathu ekuhloleni indlela intengiso esebenza ngayo, ukubonisa umthengi iimveliso neenkonzo anokuba nomdla kuzo (isenzo esaziwa ngokuba yintengiso esekelwe kumdla okanye intengiso esekelwe koko kudla ngokwenziwa ngumthengi), kunye nokwenza uhlalutyo lwewebhsayithi ukuze kuhlolwe ubungakanani babantu abangena kwiwebhsayithi nokunye okwenziwa kwintengiso ukuze kuphuculwe amava okuthengisa.
  
  Ngaphandle kokuba kuboniswe ngenye indlela kuluhlu lweqabane lethu, iqabane lentengiso ngalinye leAppLovin lingumlawuli ozimeleyo lwenkcazelo yakho. Ungalujonga uluhlu lwamaqabane entengiso eAppLovin esabelana nalo nenkcazelo yakho apha, ngokomhla obhalwe entla kwelo phepha.
  
  Ukuba awufuni kufumana iintengiso ezisekelwe kumdla wakho, sicela ujonge icandelo elithi “Lawula Ukhetho Lobumfihlo Bakho” ngezantsi. Ukuba uhlala eEurope, eUK, okanye eSwitzerland, unokujonga necandelo elithi “Imigaqo Eyongezelelekileyo Kubahlali BaseEU/UK” ngezantsi ukuze ufunde ngakumbi ngezinto onokukhetha kuzo. Ukuba ungummi waseMerika ophantsi kwemithetho yobumfihlo, ungahlola icandelo elithi “Isaziso Sobumfihlo Samaphondo AseMerika” ngezantsi ukuze uve ngezinto ezingakumbi onokukhetha kuzo.
  
  Sicela uqaphele ukuba izinto ezenziwa ziinkampani zangaphandle ezingamaqabane ethu entengiso awenza iintengiso kwiiNkonzo zethu iphantsi kweepolisi zobumfihlo zaloo maqabane.
• Izinto Ezifunwa Ngumthetho. Sisenokudlulisela inkcazelo kumagunya alawulayo karhulumente ukuba umthetho ufuna njalo, kuquka ngokweenjongo zerhafu, ekusabeleni kwisicelo sabo senkcazelo elolu hlobo okanye ukuze kuncediswe kuphando. Sisenokudlulisela inkcazelo yobuqu kwiinkampani zangaphandle ngokunxulumene namabango, iimbambano, okanye iingxoxo, xa oko kunyanzeliswa ngumthetho okanye ngumyalelo wenkundla.
• Ukhuseleko Nonyanzeliso LweMimiselo. Sisenokudlulisela inkcazelo ukuba sigqiba ekubeni ukuyidlulisea kuyimfuneko ukuze kukhuselwe impilo, ukhuseleko, okanye amalungelo akhe nabani na, ukuze sizikhusele kubuqhophololo, okanye ukuze sinyanzelise amalungelo omthetho, kuquka izibophelelo ezikwizivumelwano ezenziwe kuthi ziinkampani zangaphandle.
• Uthunyelwano Phakathi Kwamashishini. Sisenokuthumela iinkcukacha zobuqu njengenxalenye yentengiso yeshishini, njengobambiswano nenye inkampani, indibaniselwano phakathi kweenkampani, utyalo-mali, okanye ukuthengiswa kwezinto zeshishini kwaye sisenokuthumela iinkcukacha zobuqu kwenye inkampani njengenye yezinto zoshishino kwintengiso elolu hlobo. Sisenokuzityhila iinkcukacha zobuqu naxa sisematyaleni, sibhangile, okanye xa inkundla imisele umntu ukuze kufunyanwe iimali ezibolekiweyo.

Lawula Ukhetho Lwakho Lobumfihlo:

Iinguqulelo ezihlaziyiweyo ze-Android zikuvumela ukuba unciphise ukuqokelelwa kwenkcazelo zii-app kwizixhobo zemobhayili, kuquka i-ID yeNtengiso kunye nenkcazelo yendawo, nceda undwendwele iisetingi zesixhobo sakho uze usete kwindawo ethi “Limit Ad Track”, “Location Based Services,” kwisixhobo sakho. Ukongezelela, unokukhetha ukungazifumani iintengiso zeAppLovin onokuba nomdla kuzo. Ukuze ufumane imiyalelo engokweenkcukacha, jonga indawo ethi Indlela iAppLovin Ekubonisa Ngayo Iintengiso. Unokwenza nokhetho malunga nokuqokelelwa kweenkcukacha ezithile ezithatha inxaxheba ngokundwendwela kwiqonga lokukhetha umdla wabathengi njengeNAI (https://optout.networkadvertising.org/) okanye iDAA (https://optout.aboutads.info/).  Usenokufumana iintengiso emva kokunciphisa ukusetyenziswa kwenkcazelo kwintengiso esekelwe kumdla, kodwa ezo ntengiso zisenokungahambelani nomdla wakho. 

Ukuze ulawule inkcazelo eqokelelwe yiAppLovin kwisixhobo sakho, unokudawnlowuda iephu ebizwa ngokuba yiAppLovin Privacy Management Application kwiApple okanye iGoogle Play Store:

Kule ephu ebizwa ngokuba yiAppLovin Privacy Management Application, ungakwazi ukususa iinkcukacha zakho zobuqu eziqokelelwe yiAppLovin okanye wenze isicelo sekopi seenkcukacha zobuqu.

Ukukhuselwa Kobumfihlo Babantwana Kwi-intanethi

Asiziqokeleli ngamabomi iinkcukacha zabantwana, okanye sibenzele iintengiso, njengoko umthetho osebenzayo ufuna njalo. Ukuba ukholelwa ekubeni senzele umntwana intengiso okanye kukho nayiphi inkcazelo yobuqu esiyifumene emntwaneni okanye emalunga nomntwana, okanye ukuba ukholelwa ekubeni iephu yefowuni kungenzeka yenzelwe, ingqale, ithumela iinkcukacha zobuqu ngamabom ebantwaneni, sicela usibhalele i-imeyili ku [email protected].

Sisenokuqokelela uhlobo lwenkcazelo ethile (umz., i-IDFV, indlela yompapashi yokuthintela ukufikelelwa ngabantu abakwiminyaka ethile) kwiiephu zikawonke-wonke ukwenzela imisebenzi enokuba phantsi “kwenxaso yeentshukumo zangaphakathi” ngaphandle kokwenza isaziso nemvume kuMthetho Wobumfihlo Wokukhuseleka Kwabantwana Kwi-intanethi.

Ukhuseleko Lwenkcazelo Nogcino

Simisela imigaqo efanelekileyo ukunceda ekukhuseleni inkcazelo esiyiqokelela kwiiNkonzo. Inkcazelo esiyiqokelelayo ngeeNkonzo siyigcina kangangexesha eliya kutsho kwiminyaka emi-2. Inkcazelo isuswa ngokuzenzekelayo kwinkqubo yethu ukuba iiNkonzo azifumani nayiphi na inkcazelo ehlaziyiweyo kwisixhobo kwiminyaka emi-2 edlulileyo. Phawula ukuba inkcazelo siya kuyigcina kwiinkqubo zethu kangangexesha elide kangangoko kuyimfuneko ukuze sithobele izibophelelo zethu ezisemthethweni, sisombulule amabango, kwaye sinyanzelise izivumelwano zethu.

[IYAPHELA APHA INKCAZELO EMALUNGA NEENKONZO ZENTENGISO]

Iwebhsayithi Yethu

Eli candelo licacisa ngenkcazelo esiyiqokelelayo, esiyisebenzisayo, size sabelane ngayo kwiwebhsayithi yethu.

Iikhuki Nezinye Izinto Zobuchwepheshe Ezifana Nazo

Iwebhusayithi yethu isebenzisa neekhuki, iibhikhoni zewebhu, okanye obunye ubuchwepheshe obunjengobu ukuqokelela ukwenzela iinjongo ezahlukeneyo, kuquka ukwenzela intengiso esekelwe kwizinto onomdla wazo. Le nkcazelo inokuquka idilesi yakho yeIP, isazisi sesixhobo, uhlobo lwebrawuza, uhlobo lwesixhobo, ixesha nomhla ongene ngawo, kunye neendawo ongene kwiWebhsayithi ukuzo. Ukuze ufunde ngakumbi uze ulawule iicookie kule Webhsayithi, sicela ucofe indawo ethi “Cookie Settings” ezantsi kwiWebhsayithi yethu. Ungakwazi nokunciphisa ukusetyenziswa kweekhuki usebenzisa iisetingi zebrawuza yakho. Qaphela ukuba iinxalenye ezithile zeWebhusayithi zinokungasebenzi kakuhle ngaphandle kweekhuki. Ukongezelela, usenokufumana iintengiso emva kokunciphisa ukusetyenziswa kwenkcazelo kwintengiso esekelwe kumdla, kodwa ezo ntengiso zisenokungahambelani nomdla wakho. Ukuba uyazisusa iikhuki zakho, useta kwakhona isazisi sesixhobo sakho, okanye usebenzisa iibrawuza okanye izixhobo ezahlukeneyo, kusenokufuneka uphinde ulwenze ukhetho lwakho.

Sisebenzisana ne-Google Analytics ukufunda ngakumbi malunga nendlela oyisebenzisa ngayo iWebhusayithi yethu. Ngenkcazelo ethe vetshe malunga nendlela iGoogle Analytics esebenza ngayo ungandwendwela apha. Ukuze uphume kwi-Google Analytics, ungandwendwela apha uze ulandele imiyalelo.  

Ukuqokelelwa Kwenkcazelo Okungakumbi Kubanini Ziiakhawunti Abangoosomashishini

Xa ubhalisa kwiAppLovin ukuze usebenzise Iinkonzo zethu, usenokusinika inkcazelo yakho yobuqu enjengegama lakho, idilesi yeimeyili, inombolo yefowuni, idilesi yeposi, amagama omsebenzisi, kunye nephasiwedi. Usenokusinika nenkcazelo yakho yokubhatala xa ubhatala okanye ubhatalwa, okanye enye inkcazelo xa ugcwalisa iifomu kwi-intanethi ezikwiWebhsayithi. Sisenokufumana inkcazelo kweminye imithombo ethembakeleyo ukuze sihlaziye inkcazelo osinike yona ngokuzithandela ukuba siyiqokelele ngokuzenzekelayo.

Indlela Esiyisebenzisa Ngayo Inkcazelo Yakho

Inkcazelo esiyiqokelele kuwe okanye osinike yona kwiWebhsayithi sisenekouyisebenzisa ukwenzela iinjongo eziliqela, kuquka:

• Ukuze sinxibelelane nawe, ngokomzekelo ngeeleta zeendaba okanye ngenye inkcazelo emalunga neemveliso kunye neenkonzo zethu;
• Ukuze senze kusebenze size siphucule iWebhsayithi kunye neeNkonzo zethu;
• Ukuze silungise iWebhsayithi;
• Ukwenzela uhlalutyo nophando;
• Ukwenzela iinjongo zentengiso; kunye
• Nokwenzela iinjongo ezichazwe ngexesha ebeziqokelelwa ngalo.

Ukwabelana Ngenkcazelo

Inkcazelo esiyiqokelele kwiWebhsayithi okanye esiyifumene kwinkampani yangaphandle sinokwabelana ngayo nabanye ngezi ndlela zilandelayo:

• Ngemvume yakho;
• Ukwenzela iinjongo zentengiso;
• Ekuphenduleni ileta evela enkundleni, kumyalelelo wenkundla okanye enye inkqubo yezomthetho;
• Ukuze sikhusele amalungelo ethu kunye namalungelo abanye;
• Kunye namahlakani ethu;
• Kunye nabanikezeli ziinkonzo abasinceda senze kusebenze iWebhsayithi kunye Neenkonzo;
• Njengenxalenye yentengiso, intengiso yeshishini, okanye eyezinto zeshishini, kuquka ukubhanga ngokwezemali; kunye
• Nokwenzela iinjongo ezichazwe ngexesha ebeziqokelelwa ngalo.

Iilinki Eziya Kwezinye Iiwebhsayithi

IWebhsayithi inokuba neelinki eziya kwezinye iiwebhsayithi okanye ezinye iinkonzo zedijithali esingazilawuliyo. Sikukhuthaza ukuba uhlolo imigaqonkqubo yabucala yezo ndawo zidijithali unokuzindwendwela.

Ukuhlaziya Inkcazelo

Unokuhlaziya inkcazelo yobuqu osinika yona ngokulungisa, ukuhlaziya, okanye ngokucima inkcazelo enxulumene nawe kwiakhawunti yeAppLovin. Ukuze wongeze, ulungise, ususe, okanye wenze isicelo sokufikelela kwinkcazelo yobuqu emalunga nawe ekuthi, sicela ufunde icandelo elithi “Qhagamshelana Nathi” ngezantsi.

Amalungelo Akho Entengiso

Ukuba awusafuni ukufumana ii-imeyili zentengiso ezivela kuthi ezibakho ngokuqhubekayo, usenokuthumela umyalezo wokuba siyeke ukuzithumela ezi imeyili ngokucofa kwindawo ethi “Unsubscribe” esezantsi kwi-imeyili yentengiso nganye oyifumana ivela kuthi okanye usithumele i-imeyili ku [email protected].

Abantwana

Iwebhsayithi yethu ayenzelwanga ukusetyenziswa ngabantwana njengoko umthetho osebenzayo ucacisa ibe ufuna njalo. Asithi sisazi siqokelele iinkcukacha zobuqu kubantwana ngezi Nkonzo okanye sithi sisazi sibavumele ukuba basebenzise iWebhsayithi yethu. Ukuba ukholelwa kukuba siye saqokelela naziphi iinkcukacha zobuqu kumntwana okanye malunga nomntwana, nceda uqhagamshelane nathi ngeimeyili ku [email protected].

Ukhuseleko Lwenkcazelo Nogcino

Sisebenzisa imigaqo esengqiqweni malunga nendawo, ubuxhakaxhaka bale mihla, kunye neyolawulo kwiWebhsayithi ukuze kukhuselwe inkcazelo esiyiqokelelayo nesiyigcinayo.

Ukuze ufumane inkcazelo engakumbi ngokugcinwa okunxulumene neekhuki kwidomeyini yeapplovin.com, sicela ucofe indawo ethi “Cookie Settings” ezantsi kwiWebhsayithi yethu ukuze ufunde ngakumbi. 

Sigcina enye inkcazelo efana neenkcukacha zoqhagamshelwano zomthengi kunye nenkcazelo yokubhatala kwiisistimu zethu kangangexesha ezidingeka ngalo ngokokuvunyelwa ngumthetho ukuze sithobele izifungo zethu zomthetho, silungise iimbambano, nokuze sinyanzelise izivumelwano zethu.

[IYAPHELA APHA IMIBA YEWEBHSAYITHI]

Izibonelelo Ezongezelelekileyo Zabemi Base-EU/UK

Ukuba uhlala eEuropean Union, eSwitzerland, okanye eUnited Kingdom, ezi zibonelelo zongezelelekileyo zisebenza kuwe.

Ukhuseleko Lwenkcazelo

I-AppLovin ithobela iEU-U.S Data Privacy Framework (EU-U.S. DPF), iUK Extension kwiEU-U.S. DPF, kunye neSwiss-U.S. Data Privacy Framework (Swiss-U.S. DPF) ezibekwe Lisebe Lezorhwebo laseMerika.

I-AppLovin iqinisekise kwiSebe Lezorhwebo LaseMerika ukuba ithobela imigaqo yeEU-U.S. Data Privacy Framework Principles (EU-U.S. DPF Principles) mayela nokusetyenziswa kweenkcukacha zobuqu ezifunyenwe kwiEuropean Union ngokweEU-U.S. DPF nezivela eUnited Kingdom (neGibraltar) phantsi kweUK Extension to the EU-U.S. DPF.  I-AppLovin iqinisekise kwiSebe Lezorhwebo LaseMerika ukuba ithobela imigaqo yeSwiss-U.S. Data Privacy Framework Principles (Swiss-U.S. DPF Principles) mayela nokusetyenziswa kweenkcukacha zobuqu ezifunyenwe eSwitzerland ngokweEU-U.S. DPF nezivela eUnited Kingdom (neGibraltar) phantsi kweUK Extension to the Swiss-U.S. DPF. I-AppLovin izimisele ukuphatha zonke iinkcukacha zobuqu ezifumene kwiData Privacy Framework, ilandela Imigaqo yezi zibonelelo. Ukuze ufunde ngakumbi Ngobumfihlo Beenkcukacha, ndwendela Uluhlu Lobumfihlo Beenkcazelo Lwesebe Lezorhwebo LaseMerika, olufumaneka ku: https://www.dataprivacyframework.gov/.

I-AppLovin inoxanduva lokusebenzisa inkcazelo yobuqu eyifumana phantsi kweData Privacy Framework ize iyithumele kwinkampani yangaphandle esebenza njengommeli wayo. I-AppLovin ithobela Imigaqo Yobumfihlo Benkcazeli kuko konke ukuthunyelwa kwenkcazelo yobuqu evela eEU, eUnited Kingdom, naseSwitzerland, kuquka nemithetho yokuthunyelwa kwayo.

Ngokweenkcukacha zobuqu ezifunyenwe okanye ezithunyelwe kuthotyelwa imigaqo yeData Privacy Framework, iAppLovin imele ithobele unyanzeliso lomthetho weU.S. Federal Trade Commission. Kwiimeko ezithile, iAppLovin kusenokufuneka ivelise iinkcukacha zobuqu ekusabeleni kwizicelo zomthetho ezivela kumagunya kawonke-wonke, kuquka ukuze ihambelane nokhuseleko lwelizwe okanye imigaqo yonyanzeliso mthetho.

Ekuthobeleni iEU-U.S. DPF,  iUK Extension to the EU-U.S. DPF, kunye neSwiss-U.S. DPF, iAppLovin iyafunga ukuba iza kuthumela izikhalazo ezingasonjululwanga ezimalunga nokuphatha kwethu inkcazelo yobuqu efunyenwe ngokwemigaqo yeEU-U.S. DPF, inxalenye yeUK Extension kwiEU-U.S. DPF, kunye nakwiSwiss-U.S. DPF to TRUSTe, umbutho osumbulula ukungavani oseMerika.  Ukuba awufumani ngokukhawuleza umyalezo oqinisekisa ukuba sifunyenwe isikhalazo sakho esinxulumene neDPF Principles, okanye ukuba ukuba khange sisisombulule ngendlela ekonelisayo, sicela undwendwele https://feedback-form.truste.com/watchdog/request ukuze ufumane inkcazelo engakumbi okanye ukuze ufake isikhalazo.  Ezi nkonzo zokusombulula izikhalazo azihlawulelwa nesenti.

Xa unezikhalazo ezimalunga nokungathotyelwa kweDPF nezingasonjululwanga nguye nawuphi umbutho ophantsi kweDPF, unokukwazi, kwiimeko ezithile, ukucela umntu wesithathu ozimeleyo oza kumamela omabini amacala. Inkcazelo engakumbi iyafumaneka kwiwebhsayithi esemthethweni yeDPF.

Isiseko Esisemthethweni Sokuqhubekekisa

Ngamaxesha athile, siqhubekekisa inkcazelo yakho yobuqu xa kuyimfuneko ukuze senze ikhontrakthi oyinxalenye yayo, njengokukubonelela ngeenkonzo. Sisenokuphinda siqhubekekise inkcazelo yakho ukuze siphendule imibuzo yakho malunga neemveliso kunye neenkonzo zethu.

Ngamanye amaxesha, siqhubekekisa inkcazelo yakho yobuqu xa ifunwa ngumthetho. Sisenokuphinda siqhubekekise inkcazelo yakho yobuqu ukuba kuyimfuneko ukukhusela umdla wakho okanye umdla womntu wesithathu.

Ukongezelela, siqhubekekisa inkcazelo yakho yobuqu xa kuyimfuneko ukwenzela ukuthintela ubuqhophololo, ukuphucula inethiwekhi kunye neenkonzo zethu, kunye nokuthengisa iinkonzo zethu kubathengisi nakubapapashi, xa lomdla ungathathwa ngamalungelo akho okukhuselwa kwenkcazelo.

Ukuba ukuqhutyekekiswa kwenkcazelo yakho yobuqu kuyimfuneko kwaye asikho esinye isizathu esisemthethweni sokuqhubekekisa okunjalo, ngokuqhelekileyo siya kuqiniseka ukuba imvume ifunyenwe kuwe ukuba akukho sizathu somthetho soko kusetyenziswa. Unelungelo lokurhoxisa imvume yakho yokuqhubekekiswa kwenkcazelo yobuqu nangaliphi na ixesha.

Ngemibuzo malunga nokuqhutyekekiswa kwenkcazelo, nceda uqhagamshelane neGosa lethu lokuKhuselwa kweNkcazelo. Ndwendwela kwicandelo elithi “Uqhagamshelwano” apha ngezantsi ukufumana inkcazelo yoqhagamshelwano.

Abantwana

Asiqokeleli ngamabom inkcazelo yobuqu, okanye sithengisele abantwana abaneminyaka engaphantsi kweli-16 ngeeNkonzo zeNtengiso kunye neWebhsayithi. Ukuba ukholelwa ekubeni senzele umntwana intengiso okanye kukho nayiphi inkcazelo yobuqu esiyifumene emntwaneni okanye emalunga nomntwana, okanye ukuba ukholelwa ekubeni iephu yefowuni kungenzeka yenzelwe, ingqale, ithumela iinkcukacha zobuqu ngamabom ebantwaneni, sicela usibhalele i-imeyili ku [email protected].

Amalungelo Akho

Ukuba ungumntu wase-EU okanye eUK, uyakwazi:

• Ukucela ukufikelela kwinkcazelo yobuqu esinayo emalunga nawe;
• Ukucela ukuba silungise okanye sicime inkcazelo yakho yobuqu;
• Ukucela ukuba sithintele okanye sinqande ukusetyenzwa kwenkcazelo yakho yobuqu;
• Ngaphantsi kweemeko ezithile, ukuze ufumane inkcazelo yobuqu esiyigcinayo emalunga nawe nethunyuelwa kwenye ngaphandle kothintelo lwethu, kuquka nokucela ukuba sinikezele ngenkcazelo yakho yobuqu ngokuthe ngqo kwenye, oko kukuthi, ilungelo lokuphatha inkcazelo; kwaye
• Apho siye safumana imvume yakho ngaphambili, ukurhoxisa imvume yokuqhubekekisa inkcazelo yakho yobuqu.

Ukuze usebenzise la malungelo, sicela uqhagamshelane nathi kwidilesi yeimeyili kwicandelo elithi “Qhagamshelana Nathi” ngezantsi.  IGosa lethu Lokukhuselwa Kwenkcazelo liyafumaneka naye kule dilesi yeimeyili.  Nceda uqaphele ukuba sisenokungakwazi ukukunika la malungelo phantsi kweemeko ezithile, ezinjengokuthintelwa ngokusemthethweni ukuba senze oko.

Kwiimeko ezithile, unokukhetha ummeli ogunyazisiweyo ukuze asebenzise nawaphi amalungelo onokuba nawo egameni lakho.  Ukuba ukhetha ukusebenzisa nawaphi amalungelo akho usebenzisa ummeli ogunyazisiweyo, kuza kufuneka uqinisekise ukuba nguwe na ngaphambi kokuba sihambisele phambili nasiphi isicelo.  Ukongezelela, siza kudinga uxwebhu olubhaliweyo olubonisa ukuba ummeli ogunyazisiweyo unegunya lokukumela.

Ukongezelela, unelungelo lokufaka isikhalazo ngathi. Ukuze wenze oko, qhagamshelana nomlawuli osegunyeni kwilizwe ohlala kulo.

Abameli Bobumfihlo BaseEU naseUK

Sonyule iPrighter Group njengabameli bethu eEU naseUK.  Ungaqhagamshelana nathi ngokuqhagamsehlana nabameli bethu bobumfihlo kwezi dilesi zilandelayo: 

Kubantu abahlala eEU:
PrighterGDPR-Rep by Maetzler Rechtsanwalts GmbH & Co KG
c/o AppLovin Corporation
Kriegerstraße 44
30161 Hannover
Germany

Kubantu abahlala e-UK:
PrighterUK-Rep by Prighter Ltd.
c/o AppLovin Corporation
20 Mortlake Mortlake High Street
London, SW14 8JN
United Kingdom

Inkcazelo eyongezelelekileyo ngokuphathelele abameli bethu bobumfihlo ifumaneka kule linki ilandelayo: https://prighter.com/q/19826057144.

[UKUPHELA KWEZIBONELELO EZITHILE ZASE-EU/UK]

Isaziso Sabucala Samaphondo AseMerika

Izibonelelo ezongezelelekileyo zabahlali bamaphondo aseMerika abanemithetho yabathengi yobumfihlo ziqukiwe Kwisaziso Sobumfihlo Samaphondo AseMerika, esicacisa indlela abahlali abanokusebenzisa ngayo amalungelo abo obumfihlo.

Utshintsho Kwipolisi

Xa sibona kufanelekile, sinokwenza utshintsho kwiMigaqonkqubo Yabucala ngamaxesha athile ukuze sifakelele iiteknoloji ezintsha, imigaqo yokusebenza, iimfanelo zamagunya, nokwenzela ezinye iinjongo. Ukuba senza naluphi utshintsho, siza kuhlaziya “Umhla Wokusebenza” entla kwalo Mgaqonkqubo Wabucala. Ukuba senza naluphi utshintsho kuxwebhu, sisenokukwazisa ngeimeyili (iza kuthunyelwa kwidilesi yeimeyili ekwiakhawunti yakho) okanye ngeWebhsayithi ngaphambi kokuba utshintsho lusebenze. Sikukhuthaza ukuba uhlole kwakhona lo Mgaqonkqubo Wabucala ukuqinisekisa ukuba uyayiqonda indlela esiqokelela, sisebenzise, size sabelane ngenkcazelo.

Naluphi utshintsho kule Migaqonkqubo Yabucala luza kusebenza xa iMigaqonkqubo Yabucala ehlaziyiweyo ifakwe kwiWebhsayithi. Ngokuqhubeka usebenzisa iWebhsayithi okanye Iinkonzo Zentengiso emva kokwenziwa kotshintsho olunje, uyavuma ukwamkela imimiselo ehlaziyiweyo yeMigaqonkqubo Yabucala.

Qhagamshelana Nathi

Ukuba unayo nayiphi na imibuzo okanye izimvo malunga nale Migaqonkqubo Yabucala, nceda usibhalele ku:

Data Protection Officer
AppLovin Corporation
1100 Page Mill Road
Palo Alto, CA 94304

Ungaphinda uqhagamshelane nathi okanye uqhagamshelane neGosa Lokukhuseleka Kwenkcazelo ngeimeyili ku [email protected].

Nceda uqinisekise ukuba ufaka inkcazelo yeakhawunti yakho kuyo nayiphi imbalelwano oyenzayo kunye nathi.  Le nto iza kunceda ekuqinisekiseni ukuba siyaphendula kwisikhalazo sakho ngexesha elifanelekileyo.

Ukuba unengxaki emalunga nonakekelo lwabathengi, nceda undwendwele iAppLovin Support.